-
Përktheu:
Flutura Gashi-Mehmeti
- 12 korrik 2026 12:55
- Shpërndaje në:
Irani ka nisur raketa dhe dronë drejt fqinjëve të tij të Gjirit mëngjesin e së dielës, në hakmarrje ndaj një numri sulmesh të SHBA-së, dhe ka njoftuar mbylljen e ngushticës strategjike të Hormuzit deri në njoftim të mëtejshëm.
Jordania, Bahreini, Katari, Omani dhe Emiratet e Bashkuara Arabe raportohet të jenë sulmuar, në përshkallëzimin e fundit që minon memorandumin e mirëkuptimit SHBA-Iran, i cili synon t'i japë fund luftës.
SHBA-ja ka thënë se kishte goditur Iranin herët të dielën pasi Trupat e Gardës Revolucionare Islamike (IRGC) të vendit qëlluan mbi një anije kontejnerësh të regjistruar në Qipro, e cila pretendohej se po lundronte në një "rrugë të paautorizuar" përmes ngushticës së Hormuzit.
Sipas mediave shtetërore, IRGC-ja më pas ka thënë se kishte goditur një anije të dytë, duke e akuzuar atë për "shkelje të rregulloreve".
"Një anije që kishte rrezikuar sigurinë detare duke fikur sistemet e saj u godit dhe u ndalua", ka thënë marina e IRGC-së.
SHBA-ja kryen sulme të reja ndërsa Irani mbyll Ngushticën e Hormuzit
Paqëndrueshmëria në Lindjen e Mesme vazhdoi edhe të dielën, ndërsa ushtria amerikane ndërmori sulme të reja...-
SHBA-ja rinis sulmet ndaj Iranit, godet raketahedhësit në afërsi të Hormuzit
-
SHBA-ja kryen sulme të “rënda“ ndaj Iranit, lufta zgjerohet në më shumë vende
-
Irani dhe SHBA-ja rikthejnë luftimet, ngrihet çmimi i naftës
-
SHBA-ja kryen sulme të reja ndaj Iranit, Trumpi paralajmëron goditjen e objekteve bërthamore
-
Sulme të reja mes SHBA-së dhe Iranit, tensionet afrohen drejt një lufte të hapur