-
Përktheu:
Flutura Gashi-Mehmeti
- 13 janar 2026 18:38
- Shpërndaje në:
Forcat e inteligjencës iraniane kanë bërë të ditur se kanë sekuestruar një sasi të madhe të pajisjeve të internetit satelitor Starlink
Forcat e inteligjencës iraniane kanë thënë se kanë sekuestruar një dërgesë të madhe të pajisjeve Starlink në zonat kufitare, të cilat dyshohet se ishin të destinuara për “operacione spiunazhi dhe sabotimi” brenda vendit.
BBC Persian ka mësuar se disa iranianë përdorin shërbimin e internetit satelitor Starlink të Elon Muskut, megjithëse autoritetet kanë tentuar të ndërpresin sinjalet duke përdorur “pengesa” (jamming).
Përdorimi i kësaj pajisjeje është i paligjshëm në Iran.
Sipas kanalit të mediave shtetërore në Telegram më 13 janar, dërgesa kishte hyrë në Iran “në mënyrë të paligjshme nga një vend fqinj”.
Raporti thotë se pajisjet e sekuestruara përfshinin 100 pranues me rreze të gjatë, 50 përforcues sinjali BTS, 743 modeme 5G nga marka të ndryshme dhe 799 telefona celularë të gjeneratës së ardhshme.
Një video që shoqëronte raportin tregonte kuti me pajisje elektronike, disa me markën Starlink.
Kjo duket të jetë hera e parë që raportohet sekuestrimi i pajisjeve Starlink në Iran.