Inteligjenca britanike: Komandanti i ri rus në Ukrainë do të ketë telashe

Ministria e Mbrojtjes e Britanisë së Madhe ka publikuar të martën raportin e përditshëm të inteligjencës për situatën në Ukrainë.

Në të, britanikët kujtojnë se gjenerali Sergei Surovikin është emëruar komandant i përgjithshëm i ushtrisë ruse në Ukrainë dhe se më parë ka komanduar Forcat Hapësinore Ruse, e së fundmi edhe Grupin Jugor të Forcave në operacionet në Ukrainë.

Zyrtarët e inteligjencës thonë se për pjesën më të madhe të operacionit të saj, Rusisë ndoshta i mungonte një komandant i vetëm në terren me pushtetin e plotë në duart e tij.

Gjenerali Alexander Dvornikov ka të ngjarë të ketë mbajtur këtë rol midis prillit dhe gushtit 2022, por është e paqartë nëse ai ishte në gjendje të kontrollonte efektivisht forcat shpesh të ndryshme dhe rivale, sipas zyrtarëve të inteligjencës.

Britanikët shtojnë se emërimi i Surovikinit pasqyron përpjekjen e komunitetit të sigurisë kombëtare të Rusisë për të përmirësuar zbatimin e operacionit, por vënë në dukje se ai mund të ketë problem të brendshëm për t'u marrë me një situatë në Ministrinë e Mbrojtjes Ruse që është gjithnjë e më shumë e ndarë dhe me burime të pamjaftueshme për arritjen e qëllimeve politike që presidenti Vladimir Putin, vendosi në Ukrainë.