Inteligjenca amerikane i ka dhënë Ukrainës ndihmën e nevojshme për të shënjestruar dhe vrarë gjeneralët rusë në Ukrainë, raporton “The New York Times”, duke u bazuar në deklarata të zyrtarëve të lartë amerikanë.
Informata të detajuara të lëvizjes së trupave ruse dhe vendndodhjen e tyre janë përfshirë në raportet e inteligjencës amerikane që i kanë dërguar asaj ukrainase. E forcat ukrainase i kanë përdorur këto raporte gjatë sulmeve që kanë çuar në vrasjen e gjeneralëve rusë.
Ukraina pretendon se 12 gjeneralë të lartë rusë janë vrarë në konflikt që nga fillimi i pushtimit rus më 24 shkurt. Mendohet se mungesa e motivimit në mesin e forcave ruse ka shtyrë gjeneralët të dalin në vijën e frontit.
Në raportin e “The New York Times” nuk bëhet e ditur se në sa nga këto sulme të bëra, forcat ukrainase janë ndihmuar nga inteligjenca amerikane.
Shtëpia e Bardhë ka kritikuar storien e “The New York Times” duke thënë se është e paarsyeshme dhe keqinformuese.
Ndërkohë zëdhënësja e Këshillit të Sigurisë Nacionale, Andrienne Watson, ka shtuar se HSBA-ja i ka ofruar ndihmë inteligjencës së Ukrainës për ta mbrojtur vendin e jo me qëllim që të vriten gjeneralët rusë.
-
Inteligjencës amerikane i kërkohet që ta mbyllë gojën lidhur me Ukrainën
-
Inteligjenca amerikane thotë se rreth 7000 ushtarë rusë janë vrarë në Ukrainë
-
SHBA: Mbi 20 mijë rusë janë vrarë në luftën në Ukrainë që nga dhjetori
-
Inteligjenca britanike: Ka rënë shkalla e vrasjeve së rusëve në Ukrainë
-
Ministria ukrainase: 960 rusë u vranë brenda 24 orëve