Hyjnë ndihmat e para në Gaza pas 11 javësh ndalimi nga Izraeli

Shefi i ndihmës i Kombeve të Bashkuara, Tom Fletcher, ka njoftuar se Izraeli ka lejuar nëntë kamionë me ndihma të hënën që të hyjnë në Gaza përmes vendkalimit Keren Shalom, pas 11 javësh bllokadë të plotë, raporton Reuters.

Ai ka thënë se kjo është një pikë në oqean nga ajo që nevojitet urgjentisht për banorët e Gazës.

“Por kjo është një pikë në oqean e asaj që nevojitet urgjentisht dhe shumë më shumë ndihma duhet të lejohen në Gaza, duke filluar nga nesër në mëngjes”, ka thënë Fletcher në një deklaratë.

"Për të reduktuar plaçkitjen, duhet të ketë një fluks të rregullt ndihme dhe humanitarët duhet të lejohen të përdorin rrugë të shumta. Mallrat komerciale duhet të plotësojnë përgjigjen humanitare”, ka shtuar ai.