Greqia pritet që shumë shpejt të njoftojë ndalimin e mediave sociale për fëmijët nën 15 vjeç, ka thënë një burim i lartë qeveritar për Reuters të martën.
Njoftimi vjen pasi kryeministri spanjoll, Pedro Sanchez, tha të martën se planifikon të ndalojë mediat sociale për personat nën 16 vjeç.
Sanchez po ashtu njoftoi se do të krijojë një ligj për t'i mbajtur drejtuesit e mediave sociale personalisht përgjegjës për gjuhën e urrejtjes në platformat e tyre.
Australia deri më tani është shteti i vetëm në botë që ka ndaluar mediat sociale për personat nën 16-vjeç, teksa asaj pritet t’i bashkohen edhe shumë shtete evropiane si Franca e Danimarka.