Gjermania nuk do të dërgojë aeroplanë luftarakë në Ukrainë

Gjermania ka bërë të ditur se nuk do të dërgojë aeroplanë luftarakë në Ukrainë.

Kjo vjen pasi SHBA-ja refuzoi një ofertë nga Polonia, për të transferuar në Ukrainë përmes bazës së saj në Gjermani, aeroplanët e prodhimit rus, MiG-29.

Kancelari gjerman, Olaf Scholz ka thënë se Gjermania ka dërguar në Ukrainë të gjitha materialet e mundshme ndihmëse, përfshirë armë, por ka shtuar se aeroplanët luftarakë nuk do të jenë pjesë e ndihmës.

Ndërkohë, një zëdhënës i kryeministrit britanik ka thënë se Johnson "ka thënë në mënyrë të përsëritur" se është i përkushtuar të "sigurojë armët që i duhen Ukrainës".

Më herët, Mbretëria e Bashkuar ka thënë se ishte duke rritur furnizimin e saj me armë në Ukrainë, duke dërguar 1,615 më shumë raketa të lehta antitank, si dhe raketa Javelin me rreze më të gjatë - dhe duke shikuar dërgimin e raketave tokë-ajër.