Ligjvënësit gjermanë kanë refuzuar të enjten mocionin e opozitës për qeverinë, që të dërgojë në Ukrainë raketa me rreze të gjatë, Taurus.
Refuzimi ka ardhur vetëm një ditë pasi kancelari gjerman, Olaf Scholz, mbrojti refuzimin e tij që të dërgojë armë të tilla në Ukrainë.
Blloku kryesor i opozitës së qendrës së djathtë ka kërkuar të vazhdojë presionin mbi këtë çështje dhe të shfrytëzojë ndarjet në koalicionin jopopullor trepartiak të Scholzit.
Të mërkurën, Scholzi u ka thënë ligjvënësve se maturia është virtyt dhe hodhi poshtë sugjerimet se nuk i beson Kievit, raportoi AP.
Bundestagu hodhi poshtë mocionin e bllokut të opozitës "Bashkimi", me 495 vota kundër, 190 pro dhe pesë abstenime.
Gjermania është bërë furnizuesi i dytë më i madh i ndihmës ushtarake për Ukrainën pas Shteteve të Bashkuara. Raketat Taurus kanë një rreze veprimi deri në 500 kilometra dhe teorikisht mund të përdoren kundër objektivave larg në territorin rus.
-
Scholz: S’do të dërgojmë ushtarë në Ukrainë për t’i mësuar si të përdorin raketën Taurus
-
Scholz: Nuk dërgojmë raketa Taurus në Ukrainë sepse mund të godasin Moskën
-
Gjermania vendos kundër furnizimit të Ukrainës me raketat Taurus
-
Merz lë të kuptohet se mund të dërgojë raketa Taurus në Ukrainë
-
Gjermania s’do t'ia ofrojë Ukrainës raketat "Taurus"