Dy skitarë polakë kanë vdekur nga orteku në resortin dimëror në Kashmirin e kontrolluar nga India.
Policia indiane ka bërë të ditur se 21 persona të tjerë janë shpëtuar në resortin e Himalajeve. 21 turistë të huajë dhe dy guida nga Kashmiri janë bllokuar në borë shkaku i ortekut teksa ata po skijonin në pjesët e larta në Gulmarg, kanë bërë të ditur autoritetet.
Vargmali Pirpanjal në perëndim të Himalajeve është destinacion i njohur për skijim si për indianët, ashtu edhe për turistët e huaj. Në vitin 2012, së paku 17 ushtarë indianë vdiqën nga orteku i borës që goditi bazën ushtarake në Gulmarg teksa ata po stërviteshin.
Ortekët e borës dhe rrëshqitjet e dheut janë të zakonshëm në Kashmir dhe në vitet e fundit kanë lënë qindra të vdekur. Në vitin 2017, së paku 20 ushtarë indianë vdiqën nga tre ortekë, ndërsa në vitin 2012 një ortek i madh la të vdekur 140 persona në Kashmirin e kontrolluar nga Pakistani.
-
Shtatë alpinistë vdesin pasi goditen nga orteku në Nepal
-
Shtatë të vdekur, 11 të lënduar si pasojë e ortekut të borës në Indinë verilindore
-
10 të vdekur e mbi 20 të zhdukur nga orteku në Himalajet Indiane
-
Katër të vdekur e dhjetëra të humbur pasi një ortek godet në Himalaje
-
Qindra turistë të zhdukur nga përmbytjet në Nepal, mes tyre britanikë dhe amerikanë