Një ortek bore përfshiu të martën një grup turistësh në Himalajet e Indisë verilindore, duke i lënë të vdekur të paktën shtatë persona dhe 11 të tjerë të lënduar.
Zëdhënësi i Ushtrisë, nënkoloneli Mahendra Rawat, bëri të ditur se ekipet e shpëtimit arritën të nxjerrin së paku 23 turistë nga shtresa e bora, të cilët më pas u dërguan në trajtim spitalor.
Organizata e Rrugëve Kufitare e Indisë njoftoi se turistët u goditën nga orteku në afërsi të kalimit malor Nathu La, në shtetin Sikkim.
Ky kalim malor ndodhet përgjatë kufirit të Indisë me Kinën dhe është destinacion i frekuentuar nga turistët.
Rajoni ekologjikisht i ndjeshëm i Himalajeve, i cili është prekur rëndë nga ngrohja globale, përballet shpesh me ortekë.
Artikuj të ngjashëm
-
Shtatë alpinistë vdesin pasi goditen nga orteku në Nepal
-
Dy polakë vdesin në Kashmir nga një ortek, 21 të tjerë shpëtojnë
-
10 të vdekur e mbi 20 të zhdukur nga orteku në Himalajet Indiane
-
Katër të vdekur e dhjetëra të humbur pasi një ortek godet në Himalaje
-
10 të vdekur nga shembja e një ure të lartë në Indi