Ushtria izraelite thotë se po godet objektiva në Rripin e Gazës pasi tha se militantët palestinezë hynë në vend.
Më herët, dhjetëra raketa u lëshuan drejt Izraelit, duke ndezur sirenat e sulmit ajror në të gjithë vendin.
Një person është vrarë dhe ka pasur raportime për shpërthime pranë Tel Avivit dhe zonave përreth Gazës jugore, raportoi BBC.
Grupi militant palestinez Hamas ka marrë përgjegjësinë për sulmin. Krahu i saj i armatosur tha se kishte lëshuar 5000 raketa në 20 minuta.
Forcat e Mbrojtjes së Izraelit (IDF) thanë se grupi "kishte filluar një gjuajtje masive të raketave nga Rripi i Gazës në territorin izraelit" dhe se militantët kishin hyrë në territorin izraelit në "lokacione të ndryshme".
Zyra e kryeministrit izraelit, Benjamin Netanyahu, tha se shefat e sigurisë do të takohen si rezultat i sulmeve me raketa.
