Zyrtarë të lartë amerikanë dhe iranianë pritet të takohen në Oman më vonë të premten për bisedime mes një krize që ka ngritur frikën e një përballjeje ushtarake midis dy vendeve.
Diskutimet vijnë pas një grumbullimi ushtarak amerikan në Lindjen e Mesme në përgjigje të shtypjes së dhunshme të protestave antiqeveritare në të gjithë vendin muajin e kaluar nga Irani, në të cilat, sipas grupeve të të drejtave të njeriut, u vranë mijëra njerëz.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoTë dy vendet mbeten shumë larg njëra-tjetrës në qëndrimet e tyre. Shpresa është që, nëse janë të suksesshme, diskutimet mund të çojnë në një kornizë për negociata, raportoi BBC.
SHBA-ja, e cila ka kërkuar që Irani të ngrijë programin e tij bërthamor dhe të heqë dorë nga rezervat e uraniumit të pasuruar, ka thënë se bisedimet duhet të përfshijnë edhe raketat balistike të Iranit, mbështetjen e tij për grupet e armatosura rajone dhe trajtimin e qytetarëve të tij.
Irani megjithatë ka thënë se diskutimet do të kufizohen në programin e tij bërthamor, dhe është e paqartë nëse këto diferenca mes të dyjave janë zgjidhur.
Në javët e fundit, presidenti amerikan Donald Trump ka kërcënuar se do ta bombardojë Iranin nëse nuk arrihet një marrëveshje. Irani nga ana tjetër është zotuar se do t’i përgjigjej një sulmi me forcë, duke kërcënuar të sulmojë asetet ushtarake amerikane në Lindjen e Mesme dhe Izrael.
SHBA-ja thotë se Trumpi preferon diplomacinë me Iranin, por rikujton edhe opsionet ushtarake
Photo: Associated Press
Shtëpia e Bardhë ka deklaruar të enjten se diplomacia është zgjedhja e parë e presidentit amerikan Donald Trump për përballjen me Iranin. Megjithatë, Trumpi paralajmëroi se Shtetet e Bashkuara kanë edhe opsionin ushtarak, nëse nuk arrihet një marrëveshje.
Bisedimet pritet të zhvillohen pavarësisht mosmarrëveshjeve mes dy palëve lidhur me agjendën, gjë që ka rritur dyshimet për arritjen e një marrëveshjeje. Trump ka kërcënuar më herët se SHBA-ja mund të ndërmarrë sulme ndaj Iranit nëse nuk arrihet një marrëveshje.
Shtetet e Bashkuara kanë deklaruar se duan që bisedimet të përfshijnë edhe programin raketor të Iranit dhe çështje të tjera, ndërsa Teherani këmbëngul që fokusi të jetë vetëm te programi bërthamor. Ende nuk është e qartë nëse kjo mosmarrëveshje është zgjidhur.
“Diplomacia është gjithmonë opsioni i parë i presidentit, qoftë ndaj aleatëve apo kundërshtarëve”, tha zëdhënësja e Shtëpisë së Bardhë, Karoline Leavitt, duke folur për negociatat e ardhshme.
Ajo përsëriti qëndrimin e Trumpit se “zero kapacitete bërthamore” për Iranin është një kërkesë e panegociueshme.
“Presidenti dëshiron të shohë nëse mund të arrihet një marrëveshje”, tha Leavitt. “Por ndërkohë, i kujtojmë regjimit iranian se presidenti ka edhe shumë opsione të tjera, përveç diplomacisë, si komandant i forcës ushtarake më të fuqishme në historinë e botës”.
Ministri i Jashtëm iranian, Abbas Araqchi, u nis të enjten drejt Omanit. Zëdhënësi i tij, Esmail Baghaei, deklaroi se Irani do të angazhohet “me synimin për të arritur një marrëveshje të drejtë, të pranueshme nga të dyja palët dhe dinjitoze për çështjen bërthamore”.
“Shpresojmë që pala amerikane të marrë pjesë në këtë proces me përgjegjësi dhe seriozitet”, shtoi Baghaei.
Araqchi pritet të takohet në Muskat me Steve Witkoff, të dërguarin special të Trumpit, si dhe me Jared Kushner, dhëndrin dhe këshilltarin e presidentit amerikan.