-
Përktheu:
Flutura Gashi-Mehmeti
- 20 shtator 2024 13:13
- Shpërndaje në:
Bashkimi Evropian do t'i japë Ukrainës deri në 35 miliardë euro hua për të ndihmuar në rindërtimin e ekonomisë së saj.
Presidentja e Komisionit Evropian Ursula von der Leyen njoftoi huanë në një postim në X gjatë vizitës së saj në Kiev të premten, duke thënë se kjo shënon "një tjetër kontribut të madh të BE-së" në rimëkëmbjen e Ukrainës, raporton CNN.
“Sulmet e pamëshirshme ruse do të thonë se Ukraina ka nevojë për mbështetje të vazhdueshme të BE-së”, shkroi ajo, duke shtuar se kredia ishte pjesë e “betimit të G7-s”.
Relentless Russian attacks mean Ukraine needs continued EU support.
— Ursula von der Leyen (@vonderleyen) September 20, 2024
The @EU_Commission will provide a loan of up to 35 billion euros to Ukraine as part of the G7 pledge.
This is another major EU contribution to the Ukraine’s recovery.
Në qershor, Grupi i Shtatë, i cili bashkon disa nga ekonomitë më të mëdha në botë, ra dakord të huazonte kolektivisht rreth 50 miliardë dollarë për Ukrainën, me mbështetje edhe nga fitimet nga asetet e ngrira ruse.
Vendet perëndimore ngrinë asetet e Rusisë në llogaritë bankare të vendosura në Evropë dhe Shtetet e Bashkuara si pjesë e një vale masive sanksionesh të miratuara, pasi presidenti rus, Vladimir Putin urdhëroi pushtimin në shkallë të plotë të Ukrainës në shkurt të vitit 2022.
Vizita e Von der Leyen në Kiev vjen pikërisht kur fillon sezoni i ngrohjes dimërore në Ukrainë.
Edhe
Von der Leyen do ta vizitojë Kievin me premtimin për miliona euro ndihmë energjetike
Bombardimet e Rusisë që synojnë infrastrukturën energjetike të vendit janë intensifikuar muajt e fundit, duke shkaktuar ndërprerje të energjisë.
Të enjten, Agjencia Ndërkombëtare e Energjisë ka thënë se dimri i ardhshëm do të jetë "prova më e ashpër deri tani" për sistemin energjetik të Ukrainës.
