Bankieri miliarder kinez Bao Fan, i cili ishte zhdukur për gati një vit, ka dhënë dorëheqje nga banka e tij “China Renaissance Holdings Ltd.”
Ai ka thënë se është dorëhequr “për arsye shëndetësore dhe për të marrë me çështje familjare”, thuhej në deklaratën e bankës.
Zhdukja e tij e pashpjegueshme në shkurt të vitit të kaluar e kishte tronditur komunitetit biznesor dhe të investimeve në Kinë.
Banka ka thënë se bashkëpronari i saj, Xie Yi Jing, do t’i marrë detyrat e Baos, raportoi BBC.
“Bao nuk ka asnjë mosmarrëveshje me Bordin dhe nuk ka ndonjë çështje tjetër që lidhet me dorëheqjen e tij që duhet t’u bëhet e ditur aksionarëve”, ka shtuar banka.
Edhe
Miliarderët po largohen nga Kina - bashkë me paratë
Por, nuk ka dhënë detaje për vendndodhjen e Baos deri më tash.
Bao ishte një nga bankierët e profilit më të lartë të Kinës me një listë klientësh për përfshinin gjigantët e internetit, Tencent, Alibaba dhe Baidu.
