Policia në perëndim të Indisë ka arrestuar nëntë persona të hënën ndërsa është duke hetuar rastin e shembjes së një ure 143-vjeçare të sapo riparuar. Shembja e urës në shtetin Gujarat të dielën pasdite, mori jetën e së paku 134 personave.
Inspektori Ashok Yadav ka thënë se Policia ka formuar një grup hetues, dhe se në mesin e të arrestuarve janë edhe menaxhues të operatorit të urave, Oreva Group, dhe staf i kësaj kompanie.
“Nuk do të lëmë fajtorët të ikin nga përgjegjësia, s’do të kursejmë asnjë”, ka thënë Yadav.
Autoritetet e Gujaratit kanë hapur rast ndaj Orevas për dyshim për vrasje.
Artikuj të ngjashëm
