Shkon në 141 numri i të vdekurve pas shembjes së urës në Indi

Numri i të vdekurve pas shembjes së urës në Indi, ka shkuar në 141, raportoi të hënën BBC-ja.

Autoritetet lokale të Gujaratit, aty ku u shemb ura, kanë njoftuar se shumica prej të vdekurve ishin gra, fëmijë dhe të moshuar.

Kjo urë, e gjatë 230 metra, ishte rihapur vetëm një javë më parë pas riparimeve.

Mbingarkesa që pati për shkak se njerëzit shkuan për të festuar në festivalin Diwali, bëri që ura e cila u ndërtua gjatë sundimit britanik në shekullin XIX, të shembej.

Numri i të vdekurve mund të rritet edhe më tej, teksa policia, ushtria dhe ekipet e reagimit ndaj fatkeqësive po vazhdojnë përpjekjet për shpëtim.

Sipas zyrtarëve, më shumë se 177 njerëz janë shpëtuar.

Edhe Botë 31 tet 2022 Pamje të rënda: Si u shemb ura e rinovuar në Indi ku vdiqën qindra njerëz

Një video e xhiruar 24 orë para shembjes, tregon urën e forcuar me litarë të mbushur plot me njerëz që po lëkundin atë, pa e menduar rrezikun që mund të vinte.