-
Përktheu:
Flutura Gashi-Mehmeti
- 10 korrik 2024 19:17
- Shpërndaje në:
Udhëheqësja e “Tubimit Kombëtar” të ekstremit të djathtë të Francës, Marine Le Pen, fajësoi presidentin Emmanuel Macron të mërkurën për fuqizimin e dëshirës së forcave të majta për pushtet pasi partia e saj rezultoi keq në zgjedhjet e fundit parlamentare.
Le Pen ka thënë gjithashtu se disa nga anëtarët e partisë së saj u përballën me dhunë dhe kërcënoi me "sanksione që mund të shkojnë deri në përjashtim".
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Tubimi Kombëtar” do të përfaqësohet nga 123 anëtarë të zgjedhur, duke i lënë partitë e majta dhe të gjelbra në një pozicion për të formuar koalicione.
Rritja e pranisë së Tubimit Kombëtar në parlament shënon një ndryshim të rëndësishëm në politikën franceze dhe do të ketë një ndikim në peizazhin politik të vendit.
Megjithatë, ajo doli e treta në rundin e dytë të zgjedhjeve pas një paraqitjeje shumë më të fortë në rundin e parë. Kjo ishte për shkak të asaj që njihet si "fronti republikan", në të cilin partitë bashkëpunuan për të bllokuar ngritjen e Tubimit Kombëtar.
Presidenti Emmanuel Macron të hënën i kërkoi kryeministrit të tij, Gabriel Attal, që të vazhdojë të qëndrojë në detyrë, më pak se tri javë përpara fillimit të Lojërave Olimpike të Parisit.
Votimi i së dielës nuk la asnjë fraksion as afër shumicës së nevojshme për të formuar një qeveri, duke rritur rrezikun e paralizës për ekonominë e dytë më të madhe të Bashkimit Evropian. Legjislatura tani është e ndarë midis koalicionit të majtë, aleatëve qendrorë të Macronit dhe “Tubimit Kombëtar” të ekstremit të djathtë.