Një fëmijë në Florida që u gjet i vdekur në gojën e një aligatori muajin e kaluar, ishte mbytur nga babai i tij para se të binte në grackën e kafshës.
Shkaku i vdekjes së 2-vjeçarit u konfirmua nga policia.
Lajmi për vdekjen e tij kishte tronditur Floridën. Trupi i fëmijës u gjet në gojën e një aligatori pak pasi një familjar e gjeti nënën e fëmijës të vdekur në shtëpi.
Policia dyshon se babai 21 vjeç e theri gruan mbi 100 herë, raportoi Guardian. Më pas, policia vërejti trupin e të voglit në gojën e aligatorit.
Autopsia ka vërtetuar se ai kishte vdekur para se të binte në gojën e aligatorit.
Oficerët e qëlluan aligatorin deri kur ngordhi dhe e tërhoqën trupin e djalit.
Babai përballet me dy akuza vrasjeje dhe mund të marrë burgim të përjetshëm ose dënim me vdekje.
