Pa asnjë votë kundër e asnjë abstenim, Duma e Rusisë i ratifikoi të hënën traktatet për futjen e Donetskut, Luhanskut, Zaporizhzhias dhe Khersonit, nën administrimin rus. Këto rajone, zyrtarisht të Ukrainës, u miratuan si pjesë e Rusisë me ligje kushtetuese, derisa më 4 tetor, Këshilli i Federatave duhet t’i shqyrtojë.
Pas kësaj, vendimet duhet të dekretohen nga presidenti Vladimir Putin, raportoi BBC-ja.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoParlamenti rus mori këtë vendim në një kohë kur asnjë nga rajonet ukrainase nuk janë plotësisht të pushtuara nga Rusia. Luftimet po vazhdojnë dhe forcat e Ukrainës po arrijnë suksese në kundërofensivë.
Perëndimorët janë zotuar gjithashtu që të mos i njohin rajonet e aneksuara nëpërmjet referendumeve të rreme si pjesë të territorit rus.
Presidenti i Shteteve të Bashkuara të Amerikës, Joe Biden, deklaroi se veprimet e Moskës “nuk kanë legjitimitet”, duke shtuar se SHBA-ja do t’i respektojë gjithmonë kufijtë e njohur ndërkombëtarisht të Ukrainës.
Bashkimi Evropian në anën tjetër, u shpreh se nuk do ta njohë “aneksimin e paligjshëm” nga ana e Kremlinit.