Putini nënshkruan ligjet që pretendojnë të aneksojnë katër rajone të Ukrainës

Presidenti rus, Vladimir Putin ka nënshkruar masat ligjore që pretendojnë të aneksojnë katër rajone të Ukrainës në Federatën Ruse.

Aneksimet e pretenduara të Donetskut, Luhanskut, Zaporizhzhias dhe Khersonit janë të paligjshme sipas ligjit ndërkombëtar, shkruan CNN-i të mërkurën.

Udhëheqësit anembanë botës kanë thënë se ato janë rezultat i referendumeve të “falsifikuara” të mbajtura nën kërcënimin e armëve dhe nuk do të njihen kurrë.

Megjithatë, masa është një hap i rëndësishëm në përpjekjen e lëkundur të Rusisë për të marrë kontrollin në Ukrainë, me Putinin që pretendon se vullneti i ukrainasve të pushtuar është t’i përkasin Rusisë, duke ofruar një pretekst të rremë për përpjekjen e tij për të pretenduar territoret e pushtuara si të Moskës.

Zyrtarët perëndimorë kanë sugjeruar më parë se Putini ka të ngjarë të kërkojë të riformulojë kundërsulmin e Ukrainës në të katër rajonet dhe çdo tjetër si një sulm ndaj sovranitetit të Rusisë.