Shkon në 12 numri i viktimave në aksidentin në autostradën e Kroacisë
09:56
Shkon në 12 numri i viktimave në aksidentin në autostradën e Kroacisë
Policia kroate ka konfirmuar se numri i viktimave ka shkuar në 12 pas aksidentit të një autobusi me targa polake në dalje të autostradës Zagren – Goriqan, transmeton Jutarnji.
Ministri i Shëndetësisë në Kroaci ka bërë të ditur se nga të lënduarit që po trajtohen në spital, 19 persona kanë lëndime të rënda, ndërsa 13 më të lehta.
08:16
11 të vdekur nga aksidenti i autobusit polak në autostradën kroate
Një autobus me targa polake është përfshirë në një aksident të rëndë në dalje të autostradës Zagreb – Goriqan mëngjesin e së shtunës. Të paktën 11 persona vdiqën menjëherë dhe 34 mbetën të lënduar, shkruan Jutarnji.
Deri më tani, nuk ka informacione zyrtare për shkaqet e aksidentit dhe as për rrethanat në të cilat ka ndodhur.
Policia, sipas rrjedhës se si ka shkuar aksidenti, dyshon se shoferin e ka zënë gjumi dhe autobusi ka dalë jashtë rruge.
Policia ndodhet në vendngjarje dhe po kryen hetimet, ndërsa në vendngjarje janë thirrur ekipet e emergjencës dhe zjarrfikësit për të ndihmuar në shpëtimin e viktimave.
