30,000 palestinezë janë vrarë nga sulmet izraelite, sipas Ministrisë së Shëndetësisë

Ministria e Shëndetësisë e drejtuar nga Hamasi ka thënë se mbi 30,000 palestinezë janë vrarë në Gaza që nga fillimi i luftës, raportoi AFP.

Lufta mes Izraelit dhe Hamasit ka gati pesë muaj që kur ka nisur.

Të dhënat e fundit për numrin e të vrarëve nuk i ndajnë luftëtarët nga civilët.

Të paktën 79 persona vdiqën gjatë natës në Rripin e Gazës, sipas Ministrisë.

Ndërkohë, ndërmjetësuesit për armëpushim kanë thënë se një marrëveshje mes Izraelit dhe Hamasit mund të jetë shumë afër, ndërsa agjencitë për ndihma kanë ngrehur alarmin për uri në veri të Gazës.

Lufta nisi pas sulmit të Hamasit në territorin e Izraelit më 7 tetor, ku 1,200 persona u vranë dhe rreth 200 u morën peng.