Botë

“Mos lini asnjë të gjallë” – shfarosja e një etnie

“Mos lini asnjë të gjallë” – shfarosja e një etnie
Foto: AP

Mizoritë janë futur nën lëkurën dhe në mendjet e tigrajësve që në mijëra kanë ikur nga Etiopia verore.

 

Agjencia “Associated Press” ka shpalosur dëshmi për gjenocidin që po bëhet ndaj një etnie në Etiopi. Shumë prej njerëzve kanë parë me sy kur të afërmit po u pushkatoheshin dhe masakroheshin

Mizoritë janë futur nën lëkurën dhe në mendjet e tigrajësve që në mijëra kanë ikur nga Etiopia verore.

Mezi u mbijetojnë temperaturave që shkojnë mbi 38 gradë celsius, teksa i mbartin në trup plagët e plumbave, vazhdët e përdhunimeve e shenjat e dallueshme të goditjeve me kamxhik në shpinë. Më pak të dukshme janë makthet që i zgjojnë nga gjumi: pamjet e dhjetëra trupave të shpërndarë në brigjet e lumenjve. Rebelët që përdhunojnë gratë një nga një, veç pse flasin gjuhën e tyre. Një fëmijë, thatanik nga uria, i braktisur.