Tel Aviv, 17 dhjetor - Ministri izraelit i Energjisë, Yuval Steinitz, autorizoi dje të parin eksport gazi nga impianti izraelit “Leviathan”, që ndodhet në det, transmeton atsh njoftimin e agjencisë DPA.
“Për herë të parë në histori, Izraeli po bëhet një eksportues i energjisë. Ky është një çast historik për shtetin e Izraelit”, deklaroi Steinitz.
Ai e quajti këtë eksport si bashkëpunimin më të rëndësishëm ekonomik midis Izraelit dhe Egjiptit, që prej Traktatit të tyre të Paqes të vitit 1979.
Gazi do të eksportohet përmes tubacioneve nënujore, nëpërmjet qytetit jugor bregdetar izraelit të Ashkelonit dhe qytetit egjiptian mesdhetar al-Arish në gadishullin Sinai.
Eksporti pritet të nisë brenda dy javëve/DPA.
Artikuj të ngjashëm
-
BE-ja nënshkruan marrëveshje me Izraelin dhe Egjiptin për gaz
-
Izraeli do të lejojë palestinezët të lëshojnë Gazën përmes Rafahut
-
Gjermania heq kufizimet në eksportet e pajisjeve ushtarake në Izrael
-
Qyteti i Gazës do të shkatërrohet, paralajmëron ministri izraelit
-
Izraeli i hedh poshtë kritikat e bashkësisë ndërkombëtare për planin e ri