Klubi i basketbollit, Golden Eagle Ylli, është forcuar me amerikanin Demetrius Conger.
Conger është 35-vjeçar dhe i gjatë 198 centimetra.
Conger së fundi ishte pjesë e skuadrës së Urunday Universitarios në kampionatin e Uruguait.
Ai ka luajtur edhe në Australi, Belgjikë, Spanjë, Francë, Gjermani, Turqi, Meksikë e disa vende të tjera.
Ka përvojë në liga të forta evropiane.
Ylli javën e kaluar i ndau rrugët me basketbollistin Trevon Allen. Nuk po kalon momentin më të mirë sa u takon rezultateve.
Këtë edicion në Superligën e Kosovës ka tetë fitore dhe dhjetë humbje. E zë vendin e pestë me 26 pikë.