Golden Eagle Ylli ka fituar ndeshjen e parë çerekfinale të plejofit në Superligën e Kosovës në basketboll, duke e mposhtur Pejën me rezultat 93:82.
Më meritori për këtë triumf ishte Tyreek Smith me 22 pikë. Po aq pikë pati edhe Daquan Bracey te mysafirët.
Ndeshja e dytë e çerekfinales së plejofit zhvillohet në Pejë në mesjavën e ardhshme, ndërsa ndeshja e tretë eventuale, sërish në Suharekë. Çerekfinalja zhvillohet deri në dy ndeshje të fituara.
Fituesi i çerekfinales do të përballet me Trepçën në gjysmëfinale.
