Sigal Prishtina e ka fituar derbin ndaj Bashkimit. Por fitorja 72:70 mbeti në hije të zhvillimeve në fillim të ndeshjes.
Pak pasi nisi ndeshja tifozët e Prishtinës, “Plisat” hodhën mjete tymosëse në palestër. Ata u largua nga palestra përmes policisë, por ndeshja nuk vazhdoi edhe për një orë e gjjysmë. Ishte kjo një tjetër protestë e “Plisave” ndaj kryesisë së klubit Sigal Prishtinës. Ka kohë që tifozët prishtinas janë të pakënaqur me kryesinë e klubit dhe kërkojnë largimin e saj. Dhe këto përplasje kanë bërë që Prishtina ndeshjet e fundit t’i luajë para dhjetëra shikuesve.
Ndeshja, që përfundoi vetëm pas orës 22:00, ishte dramatike. Bashkimi e kishte aksionin e fundit, por Kyan Anderson nuk qëlloi për tri pikë.
Deondre Burns i shënoi pikët vendimtare të Prishtinës, 22 sekonda para fundit.
Kelby Kramer ishte më i miri te Prishtina me 10 pikë, plot 15 kërcime e plot gjashtë bllokada. Burns i kishte 21 pikë, katër asistime e tri kërcime, ndërsa Dion Haxhosaj realizoi 10 pikë e 14 kërcime. Adrio Bailey kontribuoi në fitore me 12 pikë, gjashtë asistime e tri kërcime.
Te Bashkimi, Kyan Anderson i kishte 20 pikë, pesë asistime e tri kërcime. Ike Nwamu i shënoi 13 pikë, por kishte shuymë gjuajtje të humbura. Lejson Zeqiri e Muhamedali Janjeva i kishin nga tetë pikë e shtatë kërcime.
Bashkimi i ka katër humbje rresht. Ka edhe shtatë fitore. Prishtina e shënoi fitoren e gjashtë, ndërsa i ka edhe pesë humbje.
Vazhdon ndeshja në Prishtinë
Pas afro një orë e gjysmë ka vazhduar ndeshja në Prishtinë mes Sigal Prishtinës dhe Bashkimit.
Ndeshja ishte ndërprerë për shkak që tifozët e Prishtinës hodhën mjete tymosëse në palestër.
“Plisat” ka kohë që protestojnë kundër kryesisë së Prishtinës.
Tifozët e ndërpresin ndeshjen e Prishtinës
Ndeshja mes Sigal Prishtinës dhe Bashkimit është ndërprerë që në çerekun e parë.
Dhjetëra tifozë të Prishtinës kanë hyrë në palestër dhe kanë hedhur mjete tymosëse, duke shkaktuar kështu ndërprerjen e ndeshjes.
Ka kohë që tifozët “Plisat” po protestojnë kundër kryesisë së Sigal Prishtinës.