Bashkimi e ka fituar bindshëm derbin ndaj Sigal Prishtinës për ta mbajtur hapin me Trepçën në garën për titull kampioni.
Nënkampioni i Kosovës të shtunën mbrëma fitoi 84:63, në ndeshjen e xhiros së 18-të të Superligës së Kosovës në basketboll, e që u zhvillua në palestrën “Sezai Surroi” dhe ishte ballafaqimi hapës i xhiros së 18-të.
Prizrenasit e nisën furishëm ndeshjen duke udhëhequr 21:12 pas çerekut të parë.
Bashkimi e fitoi edhe çerekun e dytë me rezultatin 19:15, ndërsa pjesën e parë e mbylli me 13 pikë epërsi, 40:27.
Vendësit e rritën epërsinë edhe më shumë rezultatin pas çerekut të tretë. Periudha e tretë u mbyll 25:15. Vetëm dhjetëminutëshin e fundit e fitoi Sigal Prishtina 21:19, por kjo nuk ia rrezikoi fitoren Bashkimit që tani ka 30 pikë, pas 12 fitoreve e gjashtë humbjeve. Trepça ka një pikë më shumë dhe një ndeshje më pak të luajtur.
Edhe
Prishtina mposht Bashkimin në ndeshjen dramatike
Kampionia e Kosovës të dielën nga ora 19:30 në palestrën “Minatori” e pret Golden Eagle Yllin. Nga ora 17:00 të dielën luhet edhe ndeshja Vëllaznimi – Bora.
Sigal Prishtina nga ana tjetër, mes shumë telasheve, e pësoi disfatën e katërt në pesë ndeshjet e fundit.
Sigal Prishtina së fundmi është përballur me probleme brenda dhe jashtë parketit.
“Bardhekaltrit” në këtë edicion kanë tetë fitore e dhjetë humbje, dhe renditen në mesin e tabelës me 26 pikë.
Prishtina dhe Bashkimi javën e kaluar avancuan në gjysmëfinale të Kupës së Kosovës.
Më i dalluari në fitoren e Bashkimit ishte Shanon Shorter me 24 pikë, pesë kërcime dhe tri asistime.
Edhe
Bashkimi fiton derbin ndaj Trepçës
Lojë të mirë pati edhe Ike Nwamu me 21 pikë, dy kërcime dhe dy asistime. U veçuan edhe Dequon Lake me tetë pikë, shtatë kërcime dhe një asistim dhe Lejson Zeqiri me 11 pikë, katër kërcime dhe një asistim.
Ndërkohë te Sigal Prishtina më i miri ishte Elijah Clarance me 17 pikë, tri kërcime dhe pesë asistime. Lojë të mirë pati edhe Khalil Dukes me 17 pikë, dy kërcime dhe dy asistime.
