Sigal Prishtina i ka dhënë fund serisë prej pesë humbjeve.
Të dielën mbrëma në palestrën “1 Tetori”, Prishtina e mposhti skuadrën tjetër kryeqytetase, Borën, me rezultat 77:72. Ndeshja i takoi xhiros së 23-të të Superligës.
Në fakt takimi u vendos vetëm në aksionet e fundit. Të dy skuadrat kërkuan fitoren, por Prishtina e mbylli ndeshjen më mirë për dy pikë të rëndësishme.
Deondre Burns udhëhoqi Prishtinën me 27 pikë, gjashtë asistime e katër kërcime. Altin Morina ndihmoi në fitore me 17 pikë, tri kërcime e dy asistime. Adrio Bailey i kishte 14 pikë e gjashtë kërcime, por edhe shumë topa të humbur e gjuajtje të pasakta.
Te Bora, Shaquan Jules iu kishte 14 pikë e katër kërcime. Jetmir Zeqiri i shënoi vetëm tri pikë, por i bëri plot 12 kërcime e tri asistime. Carlton Bragg i kishte tetë pikë e shtatë kërcime.
Edhe
Bora eliminon Sigal Prishtinën, avancon në gjysmëfinale
Bora ishte në seri prej tri fitoreve.
Me fitore Prishtina doli në vendin e gjashtë me 32 pikë, një më shumë se Vëllaznimi që bie në të shtatin. Bora është stabile në vendin e tretë me 35 pikë. Peja dhe Ylli janë në pozitat katër e pesë me nga 33 pikë.
