Para afro një viti, Bora e Prishtinës e siguroi qëndrimin në elitën e basketbollit kosovar edhe për një edicion tjetër. Bora kishte fituar në dy ndeshjet e plejautit ndaj KEK-ut.
Një vit më pas historia është krejtësisht ndryshe.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoTë enjten mbrëma në Pallatin e Rinisë dhe Sportit në Prishtinë, Bora e eliminoi Sigal Prishtinën pas fitores 101:60 dhe avancoi në gjysmëfinale të plejofit të elitës së basketbollit kosovar.
Bora e fitoi serinë çerekfinale 2:0. Thellë fitoi edhe në ndeshjen e parë në palestrën “1 Tetori”, 105:67.
Që në pjesën e parë, Bora bëri shkpëutje të madhe në rezultat, 51:23.
Deri në fund vetëm e ruajti epërsinë dhe iu gëzua fitores me 41 pikë dallim.
Carlton Bragg Jr i kishte statistikat më të mira në fitore me 12 pikë e pesë kërcime. Jordan Dingle ndërkohë kontribuoi në fitore me 24 pikë, dy kërcime e dy asistime.
Te Sigal Prishtina vetëm Arbër Sinani dhe Jon Ismajli patën pikë dyshifrore. Sinani e mbylli takimin me 17 pikë, tri kërcime e po aq asistime, kurse Ismajli i shënoi 13 pikë, tri kërcime e një asistim.
Në gjysmëfinale, Bora tani do të përballet me Bashkimin.
Bashkimi ishte i dyti në stinorin e rregullt me 48 pikë dhe do ta ketë përparësinë e terrenit vendës.
Bora kishte përfunduar në pozitën e tretë me 42 pikë, ndërsa Sigal Prishtina vetëm në xhiron e fundit e kishte siguruar plejofin nga pozita e gjashtë me 38 pikë.