Bora ka shënuar fitore shumë të rëndësishme ndaj Bashkimit me rezultatin 86:71.
Ndeshja e zhvilluar të shtunën në palestrën “1 Tetori” në Prishtinë i takoi javës së 21-të të Superligës së Kosovës në basketboll.
Bashkimi të mërkurën u mposht edhe nga Trepça në finale të Kupës së Kosovës.
Çereku i parë u fitua nga vendësit me rezultatin 20:14. Edhe çereku i dytë u fitua nga Bora me shifrat 23:18. Pjesa e parë u mbyll me rezultatin 43:32 në të mirë të Borës.
Bashkimi u kthye duke e fituar çerekun e tretë 22:18 por nuk mjaftoi pasi që dhjetëminutëshi i fundit u fitua sërish nga Bora, 25:17.
Tyler Cheese shkëlqeu në fitoren e Borës duke realizuar 32 pikë, shtatë kërcime dhe tri asistime. U dallua edhe Lance Thomas me tetë pikë, gjashtë kërcime dhe tri asistime.
Edhe
Bashkimi fiton në Prizren, i afrohet finales
Ndërkohë lojë të mirë te Bashkimi pati Kenny Wooten me 13 pikë dhe katër kërcime.
Për Borën ishte fitorja e 11-të këtë edicion, krahas dhjetë humbjeve.
Ndërsa për Bashkimin ishte disfata e shtatë. Ka edhe 14 fitore.
