Ylli i NBA-së, Luka Donçiq, ka shkëlqyer në fitoren e Sllovenisë ndaj Belgjikës në Eurobasket.
Të dielën Sllovenia fitoi 86:69, ndërsa Donçiqi realizoi “triple-double”.
Ai është bërë vetëm lojtari i katërt që nga viti 1995 që ka realizuar dyshifror të trefishtë në Eurobasket.
Paraqitja e Donçiqit është vlerësuar historike nga FIBA. Ai ndeshjen e përfundoi me 26 pikë, 11 asistime e 10 kërcime.
Me 26 vjet e 184 ditë, Donçiqi është bërë lojtari më i ri që ka shënuar 400 pikë në Eurobasket, që nga Tony Parker në vitin 2007.
Vetëm Goran Dragiq dhe Jaka Lakoviq kanë arritur këtë shifër pikësh te Sllovenia.
Sllovenia e ka shënuar fitoren e parë në Eurobasket 2025.
Lojtarët me “triple-double” në Eurobasket
1995: Toni Kukoç (15 pikë, 12 kërcime, 11 asistime)
2017: Andrei Mandache (14 pikë, 10 kërcime, 11 asistime)
2022: Mateusz Ponitka (26 pikë, 16 kërcime, 10 asistime)
2025: Luka Donçiq (26 pikë, 10 kërcime, 11 asistime)