Volkswageni për pak më shumë se dy javë do të prezantojë modelin e tij elektrik ID. E para se ndodh kjo premierë, kompania gjermane ka zbuluar disa detaje të mërkurën.
ID e Volkswagen Buzz është një version i konceptit të minibusit elektrik, i cili u prezantua pesë vjet më parë. Kompania me bazë në Wolfsburg nuk është ende e gatshme të ndajë të gjitha detajet rreth furgonit elektrik, por megjithatë ka zbuluar disa detaje për modelin që do të jetë për tregun evropian.
Prodhimi i ID.Buzz për Evropë do të nisë në gjysmën e parë të këtij viti, kurse në treg do të dalë në vjeshtë. Do të jenë të disponueshme versionet për pasagjerë dhe për ngarkesa.
Një version pak më i gjatë më tri rreshta të ulëseve do të ofrohet për tregun e SHBA-së vitin e ardhshëm.
Furgoni do të vihet në lëvizje nga një motor elektrik që do të vendoset në anën e prapme dhe do të japë 201 kuaj fuqi. Një version më i fuqishëm me dy motorë elektrikë pritet të dalë në treg më vonë.
Edhe
Më modern se kurrë, Volkswageni prezanton Caddyn e ri
Pavarësisht nëse bëhet fjalë për ID. Buzz ose ID. Buzz Cargo, shpejtësia maksimale do të kufizohet në 145 km/h.
Versioni i pasagjerëve do të ofrojë hapësirë të mjaftueshme për pesë persona dhe hapësirë për bagazhe me kapacitet 1.121 litra. Nga ana tjetër, versioni i ngarkesave do të ketë tri ulëse përpara dhe 1900 litra vëllim ngarkese. \klix
