Furnizimi me çipa gjysmëpërçues nga Volkswagen nuk mund ta plotësojë kërkesën deri në vitin 2024, ka njoftuar të shtunën shefi financiar i këtij prodhuesi të veturave, Arno Antlitz, në një intervistë për të përditshmen gjermane, Boersen-Zeitung.
Sipas tij, edhe pse pengesat mund të fillojnë të lehtësohen nga fundi i këtij viti, me prodhimin që do të kthehet në nivelet e 2019-ës gjatë vitit të ardhshëm, nuk mjafton të përmbushen kërkesat e rritura për çipa.
"Furnizimi i pamjaftueshëm strukturor mund të zgjidhet vetëm në vitin 2024”, ka thënë Antlitz, raportoi Reuters.
I pyetur se si fondet nga një ofertë fillestare publike e mundshme e Porsches, e planifikuar për në fund të vitit, mund të përdoren për të forcuar financat e Volkswagen, Antlitz tha se paratë mund të ndihmojnë në financimin e njësisë së softuerit të prodhuesit të veturave dhe planet e prodhimit të baterive.
-
Stellantis pret që furnizimi me çipa të lehtësohet pas vitit 2023
-
BMW-ja pret që mungesa e çipave të zgjasë deri në vitin 2023
-
Volkswagen pret që mungesa e çipave të lehtësohet në gjysmën e dytë të 2022-tës
-
Paralajmërohet krizë për shkak të mungesës së çipave në tri modelet kryesore të VW-së
-
VW-ja pret që mungesa e çipave të frenojë prodhimin e veturave