Kompania e automjeteve, Tesla, po përgatitet të rifillojë të hënën prodhimin në fabrikën e saj në Shangai pas ndalimit tre-javor.
Pasi ka marrë miratimin nga autoritetet lokale, fabrika e Teslas në Shangai do të rinisë punën nga 18 prilli.
Kjo fabrikë e vendosur në zonën Pudong ka pezulluar prodhimin më 28 mars pasi qyteti nisi të zbatojë masat e bllokimit për të luftuar rritjen e rasteve me COVID-19.
Ndonëse ka leje për rifillimin e prodhimit, ende mund të ketë ndryshime varësisht nga mënyra se si zhvillohet situata epidemike në këtë zonë, raportoi Reuters.
Ndërprerja e fundit ishte më e gjata që kur fabrika filloi prodhimin në fund të vitit 2019 dhe ka çuar në një humbje prodhimi prej më shumë se 50,000 veturash, sipas llogaritjeve të bazuara në planet e prodhimit të brendshëm.
He Xiaopeng, shefi ekzekutiv i prodhuesit kinez të veturave elektrike Xpeng, ka thënë se prodhuesit e automjeteve në Kinë mund të pezullojnë prodhimin në maj nëse furnitorët në Shangai dhe zonat përreth nuk do të mund të rifillojnë punën.
-
Shitjet e Teslas të prodhuara në Kinë rriten për të tretin muaj radhazi
-
Elon Musku e shoqëron Trumpin në vizitën e rëndësishme në Kinë
-
Kina ndalon veturat me doreza të fshehura
-
Shitjet dhe eksportet e automjeteve në Kinë pritet të ulen këtë vit
-
Tesla humb titullin si prodhuesi më i madh i veturave elektrike