-
Nga:
Valbona Bytyqi
- 29 tetor 2026 11:13
- Shpërndaje në:
Kryetarja e Kuvendit të Kosovës, Albulena Haxhiu, i ka paralajmëruar deputetët të cilët konsumojnë duhan brenda hapësirave të Kuvendit se do t’ua thërrasë Inspektoratin.
Ajo ka thënë se kjo është thirrja e fundit, që ata ta respektojnë ligjin të cilin e kanë miratuar vetë.
“Kërkoj nga deputetët që ta respektojnë ligjin që e kanë miratuar vet. Që në ambiente të Kuvendit të mos pinë duhan. Është thirrja e fundit, prandaj ju lutem që të keni parasysh. Është thirrja e fundit dhe në qoftë se kjo thirrje nuk respektohet do të kërkojë nga inspektorati që të vijë”, ka thënë ajo.
