Këtë vit nis prodhimi i veturës së parë në botë me panele diellore

Kompania holandeze “Lightyear” ka njoftuar se këtë vjeshtë do të nisë të prodhojë veturën e parë në botë me panele diellore.

“Lightyear 0” do të ketë panele diellore të lakuara në çati dhe në bagazhin e tij, që mbush baterinë elektrike derisa vetura lëviz (ose mbetet i parkuar), dhe dërgesa e parë për Evropë pritet të bëhet në nëntor, shkruan CNN të enjten.

Kompania ka thënë se vetura do të jetë në gjendje të vozitet rreth 620 km pa u ndalur. Për krahasim, kjo është pak më shumë se një Tesla Model 3, dhe më shumë se një Kia Niro Long Range.

Çdo orë në diell do të shtojë deri në 9 km në bateri, sipas Lightyear.

Kompani të tjera po zhvillojnë makina me panele diellore, por asnjëra nuk është ende gati të dalë në treg. Sono Sion, i planifikuar për prodhim në vitin 2023, premton të sigurojë një mesatare prej 16 km rreze diellore në ditë.

Edhe Auto 24 qer 2022 Automobili solar vozitet disa muaj pa u mbushur

Ndërkaq, “Aptera Never Charge” është një veturë me tri rrota me pamje futuriste që kompania pretendon se do të mbledhë rreth 64 km energji diellore në ditë.

Aptera i tha CNN-it se shpreson se vetura e saj do të hyjë në prodhim në vitin 2023 dhe se tashmë ka 24,000 porosi për të.