Fordi ka rënë dakord për një skemë mbrojtjeje të vendeve të punës në fabrikën e saj në Koln të Gjermanisë që mbulon mbi 10 mijë punëtorë, me anë të reduktimeve vullnetare të punës.
Kjo si përgjigje e përdorimit të ngadaltë të veturave elektrike, ka thënë kompania në vikend dhe përfaqësuesit e punonjësve gjermanë, raportoi Reuters.
Ford ka kaluar një ristrukturim të dhimbshëm në Evropë, me shkurtimet në Koln dhe mbylljen e afërt të fabrikës së saj në Saarlouis që i kanë dhënë një goditje të re prestigjit të Gjermanisë si një qendër e prodhimit të veturave.
Ford tha në një deklaratë se korniza, e vlefshme deri në vitin 2032, përfshin shkurtime të 2,900 vendeve të punës të njoftuara nga kompania në nëntor të vitit të kaluar.
"Shkurtimet e vendeve të punës bazohen kryesisht në largime vullnetare nga puna. Pagesat e shkurtimit të kontratave janë bujare dhe dukshëm më të mira se zakonisht në industrinë e automobilave", tha në një deklaratë kreu i këshillit të punës, Benjamin Gruschka.
Ford, i cili investoi 2 miliardë dollarë në transformimin e objektit të saj në Koln në një qendër prodhimi të automjeteve elektrike, i ka bërë thirrje qeverisë gjermane të ofrojë më shumë stimuj dhe infrastrukturë më të mirë për të ndihmuar shoferët të kalojnë në automjete elektrike.
