Prokuroria Themelore në Prishtinë ka njoftuar se lidhur me aksionin e realizuar bashkë me Policinë e Kosovës në Agjencinë e Regjistrimin e Bizneseve (ARBK), institucion që funksionon në kuadër të Ministrisë së Industrisë, Ndërmarrësisë dhe Tregtisë, ekziston dyshimi se të pandehurat me inicialet I.R.J., F.L., dhe A.I.K., në cilësinë e personave zyrtarë në ARBK, dyshohen për veprën penale “Keqpërdorimi i pozitës apo autoritetit zyrtar”.
Në njoftimin e lëshuar nga Prokuroria thuhet se të pandehurat, duke shfrytëzuar detyrën dhe autoritetin, me dashje dhe me qëllim kanë ndërmarrë veprime të kundërligjshme në mënyrë që personi me inicialet I.B., të përfitojë dobi pasurore në mënyrë të kundërligjshme.
“Sipas dyshimeve, ato kanë bërë ndryshimin e pronësisë së aksioneve të kompanisë ‘N.K.Ë.P Sh.P.K’ në vlerë mbi 50.000 euro”, thuhet në njoftim.
Me vendim të prokurorit të shtetit, të dyshuarat janë liruar në procedurë të rregullt, ndërsa rasti po vazhdon të hetohet.
Prokuroria dhe Policia me aksion në ARBK, dyshime për keqpërdorim të detyrës
Prokuroria Themelore në Prishtinë në bashkëpunim me Policinë e Kosovës kanë zhvilluar të mërkurën aksion në...-
Bastisje në ARBK, dyshime për ndryshimin e pronësisë së një biznesi pas vdekjes së pronarit
-
Prokuroria dhe Policia me aksion në ARBK, dyshime për keqpërdorim të detyrës
-
Tre zyrtarë policorë mes gjashtë të arrestuarve për keqpërdorim detyre e ryshfet
-
6 të arrestuar nga aksioni për keqpërdorim detyre e ryshfet, sekuestrohen vetura, ora e telefona
-
Sekuestrohen rreth 100 mijë euro që dyshohet se u përfituan nga krimet kibernetike