Zemaj nis “hartimin” e ligjit që ekziston tash e 6 vjet

14 shtator 2020 21:57
Shpërndaje në:

Klikoni këtu nëse dëshironi t'i lexoni lajmet e fundit dhe të përzgjedhura në kanalin tonë zyrtar në Viber

14 shtator 2020 21:57
Shpërndaje në:

Ministri i Shëndetësisë, Armend Zemaj, ka njoftuar të hënën se “e ka nisur hartimin” e Ligjit për Sigurimet Shëndetësore, ligj ky që ekziston tash e 6 vjet.

Ai në një postim në Facebook ka shkruar se përmes këtij ligji do t’u krijohet mundësia qytetarëve që të jenë të siguruar dhe t’u ofrohen shërbimet e sigurimit shëndetësor.

“Aktualisht, Grupi punues po vazhdon punën për hartimin e Ligjit për sigurimet shëndetësore. Pres dinamikë të shtuar për draftimin e ligjit”, ka thënë Zemaj.

Rreth kësaj, KOHA ka raportuar më herët. Ligji për Sigurimet Shëndetësore është hartuar 6 vjet më parë.

Disa nene të tij është dashur të amendamentohen që nga viti 2016.

Ish-ministri i Shëndetësisë, Imet Rrahmani nuk kishte arritur ta dërgojë atë në Kuvend, pasi që ishte rrëzuar qeveria, derisa ish-ministri Uran Ismajli nuk ishte marrë me të.

Artikuj të ngjashëm