Lëvizja Vetëvendosje i ka kërkuar Kuvendit të Kosovës që ta votojë shkarkimin e Aida Dërgutit nga posti i nënkryetares.
Deputetja Albulena Haxhiu ka thënë se ajo po e mban këtë post në mënyrë antikushtetuese, raporton KTV.
Sipas saj, VV-ja nuk do ta përkrahë asnjë marrëveshje ndërkombëtare pa u mundësuar votimi për shkarkimin e deputetes Dërguti.
Por, kryetari i Kuvendit, Kadri Veseli, ndonëse e ka quajtur të drejtë kërkesën e Grupit Parlamentar, ka thënë se kjo pikë do të votohet kur ti vije radha.
Veseli madje ka ironizuar me këtë kërkesë.
Për shkak të mospjesëmarrjes së VV-së në votim, nuk kaloi Projektligji për ratifikimin e traktatit ndërkombëtar mes Kosovës dhe Hungarisë mbi transferimin e personave të dënuar, pasi mori vetëm 67 vota për, asnjë kundër dhe asnjë abstenim.
Edhe
VV kërkon shkarkimin e Aida Dërgutit dhe postin e nënkryetarit të Kuvendit
Por deputetët, me 46 vota për dhe 18 kundër, kanë votuar për emërimin e gjashtë anëtarëve të Bordit për Agjencinë Kosovare të Privatizimit.
Po ashtu, miratuan edhe propozim-rezolutën nga debati parlamentar lidhur me korrupsionin si kriter për liberalizim të vizave. Po kaq vota morën edhe rekomandimet nga debati parlamentar lidhur me sigurinë e fëmijëve në përdorimin e internetit në Kosovë.
