Vërshime në Gjakovë e Rahovec

Reshjet e fundit të shiut të shtunën kanë shkaktuar vërshime në rajonin e Gjakovës dhe atë të Rahovecit.

Sipas videove që janë publikuar në rrjetet sociale, lumi Erenik në Gjakovë ka dalë nga shtrati.

Gjendje jo e mirë, siç përshkruhet në fotografitë e “Gjakova Sot”, është edhe në shtëpitë e rrugët e qytetit.

Ndërkohë, në fshatin Sopniq të Rahovecit, uji ka mbuluar rrugën. Edhe në disa fshatra të kësaj komune janë raportuar për vërshime.

Instituti Hidrometeorologjik i Kosovës ka paralajmëruar se nga e premtja kanë filluar temperaturat vjeshtore. Reshje me shi pritet të ketë edhe të dielën.

{gallery}