Disa fshatra të Drenasit po përballen me vërshime, pasi ditëve të fundit pati reshje të mëdha të shiut.
Komuna i tha KOHËS se kanë dalë tash në terren dhe po merren me zhbllokimin e rrugëve dhe të zonave ku situata është më e rëndë.
“Situata aktualisht është stabile, Lumi Drenica s’ka dalë nga shtrati, por problemet më të mëdha janë në disa lokacione ku uji u ka hyrë banorëve nëpër oborre. Kjo kryesisht për shkak të shpërthimit të kanalizimeve. Ka edhe dëmtime lokale të të mbjellave...Ende s’kemi pasur kërkesa për evakuim nga banorët”, tha drejtori i Shërbimeve Publike dhe i Emergjencave në Komunën e Drenasit, Nexhmedin Gruda.
KOHA ka siguruar pamje të lagjes “Haxhaj” në Zabel të Ulët, ku shihen se si të mbjellat janë dëmtuar nga reshjet e shiut.
Të dielën pak para mesnatës, zjarrfikësit kanë ndërhyrë në këtë fshat pasi pati vështirësi në kalimin e veturave.