Ushtarët e Forcave të Armatosura të Shqipërisë kanë qenë në Letoni në mbështetje të NATO-s, ka njoftuar të dielën kryeministri Edi Rama.
Përmes një postimi në Facebook, Rama ka thënë se ushtarët shqiptarë kanë marrë pjesë në stërvitjen
“Exercise OAK Resolve” në Letoni, në mbështetje të Brigadës Shumëkombëshe të NATO-s.
Sipas Ramës, ushtarët patën detyra reale për asgjësimin e mjeteve të pashpërthyera (UXO) dhe hapjen e shtigjeve për lëvizjen e trupave.
“Angazhim që rrit ndërveprueshmërinë me forcat aleate dhe forcon kapacitetet operacionale të njësive tona në mjediset ndërkombëtare”, ka shtuar Rama.