Drejtoria e Urbanizmit dhe Planifikimit Hapësinor e Komunës së Prizrenit ende nuk ka ndonjë datë të përafërt sa i përket përfundimit të përpilimit të Hartës Zonale të Komunës (HZK).
Drejtuesit e këtij dikasteri kanë pohuar se ka ngecje në këtë drejtim, ngjashëm si në komunat e tjera të Kosovës, pasi që, sipas tyre, bëhet fjalë për një proces të ndërlikuar, që për herë të parë zbatohet në Kosovë. Megjithëkëtë, kanë shfaqur bindjen se propozimi i HZK-së në ditët në vijim pritet të finalizohet dhe të dërgohet në Ministrinë e Mjedisit dhe Planifikimit Hapësinor (MMPH) për marrjen e pëlqimit paraprak, shkruan sot Koha Ditore.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoNë seancën e fundit të Kuvendit të Komunës së Prizrenit, këshilltarja e Lëvizjes Vetëvendosje, Dafina Alishani ka kërkuar informata për rrjedhën e procesit të hartimit të HZK-së, përkatësisht përmbylljen e tij. “Kur parashihet të përfundojë procesi i hartimit të Hartës Zonale?”, ka pyetur ajo.
Drejtori i DUPH-së, Fatmir Memaj, ka theksuar se nuk mund ta japë një afat kohor lidhur me përfundimin e HZK-së.
(Artikullin e plotë mund ta lexoni sot në “Koha Ditore”)