Kompania Rajonale e Ujësjellësit “Prishtina”, njoftoi të martën, se nga 25 korriku do të nisë shkyçja nga sistemi i ujësjellësit i bizneseve që kanë mbi një faturë të papaguar.
KRU “Prishtina” tha se borxhi total i bizneseve ndaj institucionit është mbi 7 milionë euro. Pesë milionë i kanë borxh bizneset e vogla e mbi 2 milionë ato të mëdha.
“Ua kujtojmë se Kompania Rajonale e Ujësjellësit ‘Prishtina’, qëllimin kryesor e ka ofrimin e shërbimeve të furnizimit me ujë të pijshëm për të gjithë konsumatorët në zonën e shërbimit. Për të përmbushur këtë mision me sukses dhe për të ofruar furnizim stabil me ujë , sigurisht që kërkohet angazhim maksimal dhe ka kosto të lartë në trajtimin e ujit dhe mirëmbajtjen e rrjetit të ujësjellësit dhe kanalizimit, në vazhdimësi”, thuhet në komunikatën për media.
KRU “Prishtina” njoftoi se pas shkyçjes, nëse do të ketë ndërhyrje të paautorizuar në rrjetin e ujësjellësit, do të iniciohen kallëzime penale ndaj shkelësve potencialë.
-
KRU “Prishtina” paralajmëron shkyçje për borxhlinjtë
-
Ujësjellësi “Prishtina” vazhdon t’i shkyçë bizneset që kanë borxhe
-
Borxhi ndaj KRU “Prishtina” kalon 45 milionë euro, paralajmërohen shkyçje dhe përmbarim
-
Shkyçjet e konsumatorëve ilegalë të ujit përcillen me kërcënime e fyerje
-
Të mërkurën aksion ndaj borxhlinjve të ujit në Prishtinë