Borxhi total i konsumatorëve ndaj KRU “Prishtina”, që përfshin amvisërinë dhe bizneset e vogla e të mëdha në tetë komuna ku kjo kompani menaxhon furnizimin me ujë, ka arritur në mbi 45 milionë euro.
Zëdhënësja e KRU “Prishtina”, Arjeta Mjeku, në një prononcim për Ekonomia Online ka paralajmëruar qytetarët se nëse nuk i paguajnë faturat edhe 16 ditë, do të shkojnë të përmbaruesi apo do të shkyçen.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoSipas saj, rreth 40 milionë euro janë borxhe të sektorit të amvisërisë, ndërsa mbi 5 milionë euro u përkasin bizneseve të vogla dhe të mëdha.
“Borxhi total i konsumatorëve si në sektorin e amvisërisë, po ashtu edhe të bizneseve të vogla dhe të mëdha ndaj shërbimeve të ujësjellësit, ujësjellës ky që menaxhon në 8 komuna në 40 për qind të territorit të Kosovës, është mbi 45 milionë euro. 40 milionë vazhdon të jetë borxhi i sektorit shtëpiak dhe mbi 5 milionë euro i sektorit të bizneseve të vogla dhe të mëdha”, ka theksuar Mjeku.
Zëdhënësja e KRU “Prishtina” ka paralajmëruar se në rast të mosshlyerjes së obligimeve, kompania do të ndërmarrë masa ndëshkuese.
Mjeku ka sqaruar se shkyçja nga shërbimet e furnizimit me ujë mund të ndodhë në rast se konsumatori ka dy fatura të papaguara e lart, pasi paraprakisht t’i jenë dërguar tri deri në pesë vërejtje.
Sipas saj, përveç shkyçjes nga rrjeti i ujësjellësit, rastet mund të procedohen edhe te përmbaruesi privat.“Nga dita e sotme kanë 16 ditë afat që ta përmbyllin borxhin, por ka edhe lehtësira për
konsumatorët që nuk kanë kushte ekonomike, sepse e kuptojmë situatën në vendin tonë. Ata mund të paguajnë 10 për qind të borxhit total dhe pjesën e mbetur ta programojnë prej 12 deri në 36 muaj pa ndonjë kamatë shtesë. Shkyçja nga shërbimet e furnizimit me ujë ndodh sepse dy fatura të papaguara e lart janë borxh. Ne mund ta shkyçim secilin konsumator nëse paraprakisht kemi dërguar 3 deri në 5 vërejtje, kështu që shkyçja nga shërbimet e furnizimit me ujë, si dhe dërgimi i lëndës te përmbaruesi privat”, ka deklaruar Mjeku.