Të hënën mbërrijnë edhe 3500 vaksina në Kosovë

Të hënën pasdite do të mbërrijnë rreth 3500 vaksina anti-COVID të Pfizerit në Kosovë, si pjesë e donacionit të Bashkimit Evropian.

Ky do të jetë kontingjenti i radhës, që tashmë është bërë i përjavshëm, nga BE-ja për ta ndihmuar Kosovën.

KOHA nga burimet e veta ka mësuar se sot në sallën “1 Tetori” procesi i vaksinimit nuk ka filluar pasi ekipet mjekësore kanë kërkuar pushim. Vaksinimi do të vijojë normalisht nga dita e nesërme.

Paradite do të vaksinohen personat që kanë caktuar termin, ndërsa pasdite dozën e dytë do ta marrin mjekët që ishin vaksinuar më 20 dhe 21 mars në Kukës.