-
Nga:
Dorentina Thaqi
- 18 maj 2021 19:12
- Shpërndaje në:
Të hënën ka mbërritur në Kosovë një kontingjent me 3.510 vaksina të kompanisë Pfizer.
Kjo është pjesë e donacionit të Bashkimit Evropian për Kosovën.
Nga zyra e Komunikimit Publik të Ministrisë së Shëndetësisë kanë konfirmuar për KOHËN për ardhjen e këtij kontingjenti.
“MSH-ja ka pranuar mbrëmë kontingjentin e radhës prej 3510 vaksinave te Pfizer, pjesë e asistencës se BE-së për Kosovën në sigurimin e vaksinave kundër Covid-19”, i ka komunikuar MSH-ja KOHËS.
Gjithsej, Kosova do të përfitojë nga BE-ja rreth 95 mijë vaksina.
Deri më tash, Kosova ka përfituar mbi 62 mijë vaksina Astra Zeneca përmes programit COVAX dhe mbi 11.500 vaksina Pfizer, donacion i BE-së.
