Kryeministri i Kosovës, Albin Kurti, si kryetari i Lëvizjes Vetëvendosje, ka marrë pjesë në panelin e organizuar nga Fondacioni “Friedrich Ebert” në Shkup të premten dhe të shtunën, ku janë mbledhur partitë simotra të Partisë Socialiste Evropiane (SPD).
Diskutimi kryesor i panelit ishte mobilizimi kundër rritjes së ekstremit të djathtë në Evropë.
“Çështje qendrore e diskutimeve ishte jetësimi i zgjerimit të Bashkimit Evropian marrë parasysh realitetet e reja gjeopolitike, avancimi i agjendës socialdemokratike në Ballkanin Perëndimor dhe mobilizimi kundër rrezikut prej frymës në rritje të ekstremit të djathtë në Evropë”, thuhet në njoftimin e VV-së.
Të pranishëm në këtë takim, krahas Kurtit ishin edhe bashkëdrejtuesit e SPD-së gjermane, Lars Klingbeil, përfaqësues të lartë të partive simotra nga Maqedonia e Veriut, Shqipëria, Bosnje dhe Hercegovina, Serbia dhe Mali i Zi.
“Gjatë këtyre takimeve, Kryeministrit Kurti ishte i shoqëruar nga Drejtuesi i Sekretariatit për Marrëdhënie Ndërkombëtare të LV-së, njëherit ministri i Kulturës, Rinisë dhe Sportit, Hajrulla Çeku”, vijon njoftimi.
-
Kurti në Jerevan takohet edhe me Rutten e Zelenskyn
-
Kurti në Paris: Anëtarësimi i Ballkanit në BE e NATO, në interes të Evropës
-
Kurti: Evropa ka nevojë për qëndrim të qartë kundër autoritarizmit dhe mbështetje për demokracinë
-
VV-ja bëhet anëtare e asociuar në organizatën e Partive të Socialistëve dhe Demokratëve Evropianë
-
Kurti me Mickoskin diskuton bashkëpunimin dypalësh dhe rrugën drejt BE-së